Zebna ქართ.
asdasdasd
A- A+ ამობეჭდვა

samomavlo gegmebi

სამომავლო გეგმები

რუსთავის საქალაქო სასამართლოს მიერ გაანალიზებული იქნა 2017 წლის 1 იანვრიდან 2017 წლის 31 დეკემბრამდე ამავე სასამართლოს მიერ განხილული საქმეების სტატისტიკური მონაცემები, რომელიც ასე გამოიყურება:

ა) სისხლის სამართლის საქმეთა კოლეგიაში: განსახილველად შემოვიდა 637 სისხლის სამართლის საქმე და დამთავრდა 647 საქმე (9 საქმით მეტი ვიდრე შემოვიდა), განსახილველი დარჩა 66 საქმე. ამავე პერიოდში განხილულ იქნა ბრალდებულის პირველი წარდგენის 518 და საგამოძიებო მოქმედების ჩატარების კანონიერებასთან დაკავშირებული 1026   შუამდგომლობა;

ბ) ადმინისტრაციულ საქმეთა კოლეგიაში: შემოვიდა სასარჩელო წარმოებით განსახილველი 332 საქმე და დამთავრდა 339 საქმე (7 საქმით მეტი ვიდრე შემოვიდა), განსახილველი დარჩა 98 საქმე. ამავე პერიოდში  შემოვიდა ადმინისტრაციული სამართალდარღვევის 632 საქმე და დამთავრდა 549 საქმე; 

გ) სამოქალაქო საქმეთა კოლეგიაში: განსახილველად შემოვიდა 3114 საქმე (692 საქმით მეტი ვიდრე 2016 წელს) და დამთავრდა 2168 საქმე (946 საქმით ნაკლები ვიდრე შემოვიდა, თუმცა, დამთავრდა 193 საქმით მეტი  ვიდრე 2016 წელს), განსახილველი დარჩა 1670 საქმე.

დ) გარდაბნის მუნიციპალიტეტში მაგისტრატ სასამართლოში დამთავრდა სისხლის სამართლის 60 საქმე, ასევე განხილული იქნა ბრალდებულის პირველი წარდგენის 223 და  საგამოძიებო მოქმედების ჩატარების კანონიერებასთან დაკავშირებული 360 შუამდგომლობა.  განსახილველად შემოვიდა 554 ადმინისტრაციული სამართალდარღვევის საქმე და დამთავრდა  529 საქმე,  ხოლო სამოქალაქო სამართლის საქმე შევიდა 300,  რომელთაგან დამთავრდა 193  და განსახილველი დარჩა 107 საქმე;

ე) მაგისტრ მოხელეს განსახილველად გადეცა 180 საქმე და დამთავრდა 172 საქმე, განსახილველად დარჩა მხოლოდ 8 საქმე. 

სტატისტიკური მონაცემები ცხადყოფს, რომ რუსთავის საქალაქო სასამართლოსთვის ძირითად პრობლემას წარმოადგენს სამოქალაქო საქმეთა სიმრავლე, რასთან გამკლავება, მიუხედავად მოსამართლეთა დიდი მონდომებისა და სასამართლოს თავმჯდომარის უფლებამოსილებაში შემავალი ორგანიზაციული ბერკეტების გამოყენებისა, სამი მოსამართლის პირობებში დიდ სირთულეს  წარმოადგენს. აღნიშნულ ვითარებას კიდევ უფრო ამძიმებს ის გარემოება, რომ 2018 წლის 18 იანვარს, სამოქალაქო საქმეთა კოლეგიის ერთი მოსამართლე გადაყვანილ იქნა  სხვა სასამართლოში და რუსთავის საქალაქო სასამართლოს სამოქალაქო საქმეთა კოლეგიაში დარჩა მხოლოდ ორი მოსამართლე და ერთი მაგისტრი მოხელე.

შექმნილი ვითარებიდან ერთ-ერთ გამოსავლად მიგვაჩნია, რუსთავის საქალაქო სასამართლოში ამოქმედდეს მედიაციის ინსტიტუტი, რომლის მიზანია მხარეების მორიგება სასამართლოს გარეშე. ეს პროცესი გაცილებით ნაკლებ დანახარჯებს მოითხოვს და როგორც წესი უფრო მდგრადი შედეგებითაც გამოირჩევა. მედიაციის პროცესში ჩართულები არიან მედიატორი, მხარეები და/ან მათი წარმომადგენლები.  მედიატორი არის ნეიტრალური პიროვნება, რომელიც საქმეში არსებულ ორივე მხარეს ზუსტად აუხსნის საქმის ვითარებას და შეეცდება მხარეები მოარიგოს.  ეხმარება  ძირითადი პრობლემების იდენტიფიცირებაში, საერთო ენის გამონახვაში და შეთანხმებაში. მედიაცია ნებაყოფილობითია და მხარეს შეუძლია ნებისმიერ ეტაპზე დატოვოს მოლაპარაკება და საქმე განსახილველად სასამართლოს დაუბრუნდება, იქ დასწრება და განაჩენის აღსრულება კი უკვე სახელმწიფოებრივი იძულების წესით მოხდება. მედიაციის ინსტიტუტის მთავარი პრიორიტეტია მხარეების ჩართულობა თავიანთი საქმის მოგვარების პროცესში. მედიატორის დახმარებით მხარეები თავად იღებენ გადაწყვეტილებას საქმესთან დაკავშირებით.

სასამართლო მედიაცია შეიძლება გავრცელდეს:

საოჯახო სამართლებრივ დავებზე, გარდა შვილად აყვანისა, შვილად აყვანის ბათილად ცნობისა, მშობლის უფლების შეზღუდვისა და მშობლის უფლების ჩამორთმევისა

სამემკვიდრეო სამართლებრივ დავებზე;

სამეზობლო სამართლებრივ დავებზე;

ნებისმიერ დავაზე-მხარეთა თანხმობის შემთხვევაში.

 

რუსთავის საქალაქო სასამართლოში მედიაციის ინსტიტუტის ეფექტურად ფუნქციონირების მიზნით იგეგმება სასამართლოს შენობაში სამუშაო სივრცის გამოყოფა და აუცილებელი ინვენტარით და ინფრასტრუქტურით უზრუნველყოფა    

 

მედიაციის ოთახი სურათები

 

 

 
 
 
© 2011, საქართველოს სასამართლოები, ყველა უფლება დაცულია